الهندسة الاجتماعية

janvier 11, 2017


الهندسة الاجتماعية أو فن اختراق العقول كيفما كايسميه البعض هي مجموعة ديال التقنيات للي كاتجبر الناس يديرو شي حاجة و لا يقولو المعلومات الشخصية و السرية ديالهم بلا مايعيقو. هاد الهندسة الاجتماعية كاتستعمل غالبا فداكشي ديال الاحتيال في الإنترنت (السبام و الهاك)، الهدف الأساسي للهندسة الاجتماعية هو طرح أسئلة بسيطة و تافهة  عبر التيليفون (بالنسبة للناس للي تفرجو ف mr robot را كانت واحد اللقطة كاتوري العملية كيفاش كادار) ولا البريد الإلكتروني و للي كايدير هاد العملية كاينتاحل شخصية عندها سلطة ولا شي موظف فشي اجونص كايسول على المعلومات المهم ان الأسئلة تطرح دون إثارة الشبهات.
من أشهر الأساليب للي كاتطبق في مثل هذا النوع من الاختراق :


- المكالمة: أغلبية ديال هجمات الهندسة الاجتماعية كاتدار عن طريق الهاتف. كايتصل المهاجم على أساس أنه شخص ذو منصب و عندو صلاحيات و كايقوم تدريجياُ بسحب المعلومات من الضحية.


- البحث في المهملات: بزااف ديال المعلومات المهمة عن المنظمة يمكن لينا نلقاوها في سلة مهملات الشخص أو الضحية (كيما كانشوفو فالافلام بزااف).

- الإقناع: فهاد الاسلوب كايحصل المهاجم على المعلومات للي بغا من خلال التحدث مع الضحية و كايحثها باش تعطي معلومات حساسة أو عندها علاقة بهدف المهاجم و هادشي كولو خاصك تكون لحاس الكابة و متملق و غيرها من الاساليب باش تثير انطباع زوين عند الضحية و لكن بلا فرشة.

- الهندسة الاجتماعية المعاكسة: هاد الطريقة هي انك توهم الضحية بأنك شخص مهم و عندك صلاحيات عليا و كاتزرب على الضحية كاتعطيه لمحة عن المعلومات ديالو و هادشي للي كايخللي الضحية يتيق فيك و يعطيك المعلومات للي نتا باغيهم، و لكن هاد الأسلوب معقد نسبياً حيت كايعتامد على مدى التحضير المسبق للمهاجم و على حجم المعلومات اللي دبر عليها المهاجم.

    من أشهر المهندسين الاجتماعيين:


    - فرانك أباغنال (Frank Abagnale) من مواليد 27 أبريل 1948
    - دايفيد بانون (David Bannon) من مواليد 1963
    - ستيفن جاي راسل (Steven Jay Russell) من مواليد 14 سبتمبر 1957
    - خالد الفيومي (Khaled Alfaiomi) من مواليد 11 أبريل 1978 سوري و واحد من كبار مستشاري الامن المعلوماتي فشركة مايكروسوفت كايستاحق تبحثو عليه.
    - ديفيد كينيدي (David Kennedy) من مواليد 15 يونيو 1955 وهو للي صايب برنامج Social-Engineer Toolkit .



    You Might Also Like

    0 تعليقات

    Popular Posts

    Like us on Facebook

    3efrit blogger

    فريق موضوع