النسبية

janvier 11, 2017

طبعا انا و نتا كلنا سمعنا بالنسبية ديال اينشتاين كاين للي غير سامع بيها و كاين للي بحث فيها و مافهم والو، المهم غانشرحها كيما فهمتها انا.
النسبية كاتقول انه الا قدرنا نفوتو سرعة الضوء نقدرو نرجعو للماضي، و لكن لحد الان مازال ماكاين تا شي حاجة للي كاتفوت الضوء، و الا قدرنا نمشيو بنفس السرعة ديال الضوء غانخرجو من مجال الزمن و غايتوقف. و لكن كيفاش هادشي عطيني اللوجيك !!
قبل مانبدا نشرح ليكوم النسبية خاصني ندوي على واحد القضية للي هيا بعض النجوم للي كايبانو لينا فالسما شاعلين را ماشي الصورة اللحظية هاديك، حيث هوما بعاد بمئات السنوات الضوئية علينا ضونك مثلا شي نجم بعيد ب 500 سنة ضوئية الا شفنا فيه دابا غاتبان لينا الصورة ديال 500 سنة ضوئية قبل يعني ديك الصورة فعهد الديناصورات يالله وصلاتنا حيث الضوء هو للي كاينقل الصورة،
اوكي نرجع للنسبية، دابا نقولو سافرنا بسرعة الضوء خارج الارض غانمشيو مع الصورة (اللقطة) للي نطالقنا فيها بالتوازي و هيا للي غاتبقا قدام عينينا و غايبان ليك الزمن توقف، اما الا مشينا بسرعة اكثر من سرعة الضوء فغانكونو سبقنا الصور للي سيفطها الضو و غايبان لينا الشريط كايمشي بالعكس بحال الا درتي العرض العكسي و مللي غاتوقف عاد غايمكن ليك تشوف الماضي حيت تعرضتي للقطات فالطريق. نتمنا نكون قربتكوم للنسبية حسب ما فهمتها انا و للي عندو شي انتقاد مرحبا.

You Might Also Like

0 تعليقات

Popular Posts

Like us on Facebook

3efrit blogger

فريق موضوع