أش كاتعرف على الباريدوليا .. ؟

janvier 22, 2017


الباريدوليا هي واحد الظاهرة نفسية كنتصابو بيها كاملين، كيبقا الشخص كيتخيل اشكال مرسومة فراسو فالسحاب ولا فالقمر وشحال من مرة كيكون شي شكل عادي ولكن حنا كيتهيئ لينا فحال شي شكل معروف مثلا دشوف فالحيط مقشر وكيبالك شكل ديناصور ولا دشوف فالقمر كيبالك وجه دالانسان... . 
لمهم هاد الظاهرة ولاو كيستخدموها في تحليل الشخصية وتحليل النفسية وكيستخدمو واحد الاختبار اسمو "رورشاخ" نسبة لصاحب الاختبار "السويسري هرمان رورشاخ" الي كان كيحلل شخصية الانسان ملي كيخليه يراقب سلسلة من بقع حبر على الورق عندها انماط تدريجية وكيخليه يفسر شنو كيشوف فديك البقع باش يحلل الشخصية ديالو.
هاد الظاهرة معندها حتى خطر على الانسان ولكن الخطر هو ملي كيبدا الشخص يربط هاد التخيلات بالحقيقة، مثلا هنا كيقولو بلي شافو محمد الخامس قالقمر وبقات هاد الاشاعة الى يومنا هذا ورجع محمد الخامس مقدس فديك العهد ههههههه وعند النصارى كيتخيلو عيسى عليه السلام ومريم العذراء وكيشوفوهم فبزاف البلايص وعندهم اذا بانو غدوقع شي كارثة ولا غدوقع شيحاجة مزيانة وكيختلقو بزاف دالاشاعات من خلال هاد الظاهرة.


You Might Also Like

0 تعليقات

Popular Posts

Like us on Facebook

3efrit blogger

فريق موضوع