نظرة علمية حول الوحام.

juin 28, 2017



الوحام أو (pica) هو واحد الحالة مرضية كاتصيب المرأة في فترة الحمل ديالها, و هي فطرة خلقها الله سبحانه و تعالى في المرأة والمفهوم الشعبي الشائع لهاد الظاهرة هو أن الحامل إلا تشهات شي حاجة و ماحضرهاش ليها راجلها كاينعاكس داكشي على الجنين في نفس البلاصة للي حكات المرأة في جسدها و كايكون غالبا عبارة عن صورة توت أو خالة, و المرأة في هاد الفترة كاتكره بيتها و حتا راجلها و ريحتو ...









من منظور علمي .. التفسير ديال هاد الظاهرة مزال كايشكل لغز محير للعلماء, لكن أغلب الدراسات كاتقول أنه إذا تأملنا في عملية الحمل كانلقاو أنها عبارة عن تكون روح و جسد داخل روح و جسد يعني أن هاد الجنين حتا هو بحاجة لطاقة باش يعيش و باش يكون العظام, العضلات, الأنسجة, الأعضاء, الدم و الأجهزة المختلفة وكل مكونات الجسم البشري. و هاد الطاقة هي الكالسيوم و الحديد و الكربوهيدرات و الفيتامينات و غيرها. هادشي للي كشفات عليه واحد الدراسة فرنسية (1) دارت سنة 2013 و كان الهدف ديالها أنهم يفهمو علاقة أكل التراب (Géophagie) بالحمل و للي تبين ليهم أن التراب كايكون مصدر غني بالمعادن كالحديد. و كاينة دراسة أخرى تزعم أن المرأة الحامل كايكون عندها اختلاف سكر الدم و كاتعرض لتغيرات هرمونية كاتأثر بزاف على الحواس ديالها و خصوصا المذاق و الشم, هادشي للي كايخلق عندها رغبة جامحة لمأكولات غريبة. و لحد الساعة باقي ماكايناش شي دراسة مؤكدة أو تفسير علمي دقيق لهاد الظاهرة و هذا بحد داتو معجزة إلهية في الخلق.
هادشي كولو يمكن كاتعرفوه و لكن ما هو جديد في هاد الموضوع أنه لا علاقة بين الوحم و "التوحيمة" للي كاتبان في الجنين عكس ما هو متوارث من السلف, الوحمة هي مجرد تشوهات لا وراثية في تكوين جزء من أجزاء الجلد بسباب اضطراب في التطور الجيني.
الوحمات جوج أنواع هي «الوحمات الخلقية» هي للي كايزاد معاها الجنين, و النوع الثاني هي «الوحمات المكتسبة» و هي للي كاتبان من بعد الزيادة, وهاد الوحمات أيضا فيهم للي كايبقاو في الإنسان مدى الحياة, أو كاتحيد مع مرور الوقت. كاين أشكال بزااف ديال الوحمات ولكن المعروفين بزاف هما:
- الوحمات الوعائية vascular birthmarks كايكون لونها أحمر أو قرنفلي غالبا و كاتبان حيث كايتجمعو أوعية دموية بزاف فواحد البلاصة في الجلد او تحتو وفيها:
*بقعة السَّلمون Salmon patche
*الورم الوعائي الطِّفلي Infantile haemangiomas 
*التشوُّه الشعري port wine stain 
- الوحمات المصطبغة pigmented birthmarks لونها أحمر عادة و السبب ديالها هو تجمع الخلايا الصبغية و فيها:
*بُقَعُ القَهوَة بالحليب Café-au-lait spots 
*البُقعُ المَنغولِيَّة Mongolian spots 
*الوَحمَاتُ الميلانينيَّةُ الخلايا الخِلقيَّة congenital melanocytic naevi
نتمنى مانكونش طولت عليكم و نكون فدتكم بشي معلومات جداد.


You Might Also Like

0 تعليقات

Popular Posts

Like us on Facebook

3efrit blogger

فريق موضوع