شنو هو دور مسرع الجسيمات في متحف اللوفر؟

juin 28, 2017

تحت 15 متر في متحف اللوفر كاينة واحد القطعة ماعرضوهاش للجمهور,  هاد القطعة هي مسرع الجسيمات الخاص بالمتحف.
هاد المسرع ماشي اسطورة من نسج الخيال العلمي و انما منذ 1988 و هو عنصر مهم من عناصر المتحف و كايتسمى مسرع اللوفر الكبير لتحليل العناصر أو "Accélérateur Grand Louvre d’analyse élémentaire" و اختصاراً AGLAE’s.



في العالم كولو كاين تقريبا 30.000 مسرع و كايتستعمل في شتى المجالات العلمية، و من بينها المحافظة على الثرات. مسرّع اللوفر الكبير لتحليل العناصر كايدير واحد الخدمة مهمة بزااف, للي الوظيفة ديالو انه كايحسب و كايتأكد من كميات و نسب العناصر الكيميائية للي كاينة في التحف الاثرية, و كايساعد العلماء في فحص التحف الاثرية و التأكد منها واش دوريجين و لا غير سلعة الشينوا ههه و بزاااف ديال المعلومات حول التحف، من خلالِ دراسة المواد للي تصنعاات منها، و تحديد زمان و مكان فين تصنعات. بحيث كاايقومو العلماء بفحص عينات ديال الصباغة و الزجاج و المعادن و غيرها من المواد للي ممكن تصنع منها التحف باش تحدد المكونات ديالها بدقة عالية و ممكن يعرفو تا المناجم فين تستخرجات المواد الاولية بالإضافة للزمان للي تستخرجات فيييه.
و كمثال، العلماء استعملو هاد المسرع باش يتحققو من واحد الجوا "الغمد" ديال سيف ذهبي كان هدية من الحكومة الفرنسية لنابليون بونابرت، باش يتأكدو واش من الذهب الخالص أو لا، و بالفعل لقاوه ديال الذهب خالص. و تستعمل كذلك في واحد اللوحة مصريةٍ قديمة عمرها تقريبا 4500 سنة، معروفة باسم "الكاتب المصري" أو "الكاتب الجالس" (The Seated Scribe)، و لقاو أن العينين في اللوحة ترسمات ببلورات صخرية سوداء وكربونات المغنيسيوم البيضاء، و أما العروق الحمراء الرقيقة للي كاتكون في العين فهي من أكسيد الحديد.



You Might Also Like

0 تعليقات

Popular Posts

Like us on Facebook

3efrit blogger

فريق موضوع